Inembombono, umnqopho, amagugu

Inembombono

Ituthuko nokulingana komphakathi ophila ngokuzwana  nezemvelo .

Umnqopho

Ukunikela ngoburholi ekuphatheni zebhoduluko, ukonga nokuvikela enzuzweni yasamfuthi engazuzwa mphakathi zombelele wamaSewula Afrika.

Amagugu

Sikhuthazwe yiTjisakalo njengabanikazi nabazenda bebhoduluko, kufanele sibe maJadu begodu sikatelele indlela yokucabanga ngokungeneleleko nokuletha iinsombululo ekuphathweni kwebhoduluko elizinze ebaNtwini ngehlelo lekambiso le-Batho Pele. Lapho-ke, kulapho sibeka abantu bethu phambili abazakusebenza ngokuzimisela nangeSithunzi, ekusididiyeli ehlanganweni enomnqopho wokusebenza ngokwezinga eliphezulu njengathi.

Itjisakalo

• Sinetjisakalo ngamagugu wethu begodu siphila ngawo emisebenzini yethu yaqobe lilanga
• Sizimisele emsebenzini wethu godu sisebenza ngokungaphezulu kwalokho ekufanele sikwenze
• Sikhombisa ukuzikhakhazisa ngesikwenzako ngomqopho nangemibono
• Njengabanikazi nabazenda bebhoduluko, siqinisekisa ukwenza umsebenzi onetlha kumphakathi woke weSewula Afrika
• Siyakha besithuthukise ngamandla umsebenzi okhuthazako webhoduluko
• Siyaphikelela godu ukuthuthukisa nokujamela esikujamelako, imilayezo kanye nesithunzi

Idzimelelo lebaNtwini

• Sitjengisa tjhatjhalazi ngokuzinikela ekufundeni kwabanye nokusekela okutjhinga phambili ukwenzelela kobana sikhulise besifunde ngamandla
• Sihlonipha besikwakwazele amandla womuntu woke
• Sibonisa ukuzwelana lokha nasisebenzisana nabanye
• Sitjengisa ukuzithemba kwezinga eliphezulu ngesikwenzako nanyana kungaba sesimeni esibudisi kangangani
• Senza umsebenzi omuhle nesithunywe wona
• Sisekela besisizane
• Sithuthukisa ilinganopilo lomsebenzi

Isithunzi

• Sithatha iinqunto ukwenzelela kobana sithuthukise imiphumela efaneleko nokulawula okungaba yingozi
• Siziphatha kuhle godu siqalane nalokho okungakhambi kuhle nangendlela yokungaziphathi kuhle 
• Sivumela begodu besimeme nekulumopikwano ethembekileko -- siyalalela besizwisisane
• Sihlonipha besitjheje igugu lawo woke umuntu ngaphakathi nangaphandle kwehlangano ngokwahlukahlukana kwabantu, amasiko, ubuzwe, amandla, isitayela nemibono ngaphandle ngokuqalelela iinkhundla zabo zokuphatha
• Siyathembeka begodu sigcina neenthembiso esizenzako ebantwini
• Sitjhayela ihlelo le-DFFE, kunokubeka phambili iinrhuluphelo zethu  
• Sisekela isiqunto esithathweko begodu sisekela besibe mumoya munye kwabanye nakunokuhlukana

Ukusebenza

• Siqalise eendaweni zethu eziqakathekileko besiphathe kuhle imisebenzi esenza kobana singaphumeleli kanti godu nalezo izinto ezingamvuzo
• Samukela ukuziphendulela eenquntweni zethu, kwesikwenzako nalokho okumiphumela
• Sisebenza ndawonye ngotjheja khulu umuntu ngamunye ukuvikela imiphumela yethu
• Sitjengisa umoya ‘wekghonakalo’ besirhabise ukwenza imisebenzi ngomphumela wethu
• Sisiza nabanye ukwenza kuhle khulu ngokunikela umbiko obuyako nokuthuthukisa amahlelo wetuthuko yomuntu
• Sibandakanya boke labo abatlhoga isizo ngokwamahlelo, iminqopho kanye neenqunto zethu

Ukuba majadu 

• Sikatelela ukucabanga okulolekileko nokuneensombululo
• Siphethe zesayensi enembako, ilwazi nokusebenza
• Sinemikhubhulo evulekile godu sizimisele ukulalela woke umuntu
• Silinga ukwenza itjhuguluko nokusekelana
• Sibambisana nayo yoke imikhakha yeenhlangano ukwenzelela kobana singasebenzi sisodwa
• Sisebenzisana ndawonye nabalingani kwezemisebenzi nababandakanyeki, ukusungula nokuphumelelisa iminqopho yethu  

Ibuyekezo negunya lokusebenza KomNyango wezamaHlathi, iinHlambi neBhoduluko

Igunya elisemthethweni nomsebenzi oqakathekileko wehwebo lomNyango wezamaHlathi, iinHlambi neBhoduluko kukuphatha nokuvikela begodu nokubulunga ibhoduluko nezenjiwa eSewula Afrika. Igunyeli lilawulwa sigaba 24 somThethosisekelo weRephablikhi yeSewula Afrika, 1996 (umThetho Nomb. 108 we-1996), neyenzelwe loke ilungelo lomuntu (a) ebhodulukweni elingekhe lalimaza ubuphilo namkha indlela yepilo yomuntu; begodu  (b) ukuba nebhodoluko evikelekileko engazuzwa sizukulwana sesikhathesi nesizako ngokomthetho nezinyo iiindlela.

Ukunikela ngefanelo nangelungelo ngokomthetho webhoduluko nangetlhogeko lokuphatha ngefanelo begodu netuthuko edzimeleleko. I-DFFE sele inendlela ehle yokuphatha nokuthuthukisa ibhodoluko elilawulwa litlhatlha lomthethomtlamo/lomthetjhwana. Lomthethomtlamo ungewePalamende (imithetho yezebhodoluko), imithetjwana, imigomo, izinga nemikhuba nezinye iinsetjenziswa ezithuthukisa ukuphatha nokubulunga ibhoduluko ezwakalako engazuzwa sizukulwana sesikhathesi nesizako.

Ukungezelela etuthukweni, ukusebenza nokubuyekeza okuragela phambili komthethomtlamo oragela phambili ngokuphatha okuzwakalako ibhoduluko, ezinye iindlela eziqakathekileko zokuphathwa kwebhoduluko yi-DFFE, zifaka hlangana ukuyelelisa ngezinto ezinembako zebhoduluko kanti godu nokuthuthukisa isiko lezobhodoluko kubahlali, ukwakha umthamo ngekhakheni nokutlama begodu nokuqinisa ubudlelwano nenarha yoke, iphasi loke neeyingeni ukurarulula iintjhijilo zebhodoluko.

Inembombo ye-DFFE “kukwenza ituthuko nomphakathi ngokulinganako nokuphilisana ngokuzwana nezemvelo”, njengombana kuvezwe ehlelweni elihlelekileko laphakathi komnyaka. Ukusekela ipumelelo ye nombombono le, i-DFFE ikhombe iminqopho ehlelekileko yeminyaka emihlanu, ngalendlela elandelako:

• Ukulekelela ibhoduluko kwezomnotho;
• Ukuthuthukisa nokuvikela isithunzi sezebhoduluko, iinyamazana kanye neemila;
• Itjhuguluko kwezokuhlalisana emiphakathini;
• Ukukhuthazwa lihlelo lephasi loke neembopho ezenziweko;  begodu
• NomNyango onekghono nofaneleko.

I-DFFE yakhekhe ngamahlelo wesabelomali alithoba. Ihlelo ngalinye lihleleke ngemiphumela ehlelekileko edzujuliweko ngomnqopho wokuphumelelisa iimbopho ze-DFFE ngehlelo elihlelekileko leminyaka emihlanu begodu kwenze iragelo phambili eliphumelelako lokufeza inembombono yesikhathi eside ye-DFFE.

Amahlelo, iminqopho nemiphumela ehlelekileko

Ihlelo loku-1: Ukulawula 

• Umnqopho: Ukunikela ngokubusa, ukuphatha nokusekela imisebenzi yomNyango
• Imiphumela ehlelekileko:
  
  • Ukubusa kuhle nokuqinsekisa kobana zoke izinto zangokomthetho neemali ziphathwa ngefanelo
  • Ituthuko ekufakweni kwesandla kezomnotho wezehlalakuhle nokunikela Amandla imiphakathi ebekade idinywe amathuba ngaphambilini
  • Abasebenzi abanekghono abaneleko ebhodulukweni lomsebenzi elijamela amaSewula Afrika ngokobulili nobuhlanga kanye nobuzwe
  • Umthamo othuthukisiweko wabasebenzi emsebenzini nofana emkhakheni

Ihlelo lesi-2: Ukukhambisana Nomthetho Nokutjheja Umkhakha

• Umnqopho: Ukuthuthukisa imithetho ngokukhuthaza ukukhambisana nomthetho nehlelo lokunikela ngamalayisensi elizokukatelela umthetho ngokusebenza ngawo ukwenzelela kobana kube nokusebenza kuhle kwemikhakha

• Imiphumela ehlelekileko:
  
  • Ituthuko yokusebenza ngomthetjhwana wezebhoduluko nokuphungula ukuthuselwa kwebhoduluko
  • Amatlhatlha womthetho ophethe zebhoduluko, amahlelo, amathulusi kanye neensetjenziswa.
  • Umthamo othuthukisiweko wabasebenzi emsebenzini nofana emkhakheni

Ihlelo lesi-3: Amalwandle Namagu Wamalwandle

• Umnqopho: Ukuthuthukisa, ukuphatha nokunikela ngoburholi obuhlelekileko ekubulungweni kwamalwandle namagu wamalwandle
• Imiphumela ehlelekileko:
  
  • Ulawulwa kokuthuselwa kwesithunzi sezebhoduluko nokubulungwa kwebhoduluko leenyamazana neemila
  • Ilwazi eliqinisiweko, isayensi nokuqalana nemigomo

Ihlelo lesi- 4: Ukutjhuguluka Kwetlayimethi, Izinga Eliphezulu Lomoya Netuthuko Edzimeleleko

• Umnqopho: Ukurhola, ukuthuthukisa, ukwenza, ukwazisa, ukutjheja nokubuyekeza izinzo lebhodoluko efaka hlangana umoya osilaphazekileko nokusimama komoya wezinga eliphezulu netlayimethi ematjhugulukweni wetuthuko yeSewula Afrika
• Imiphumela elihlelekileko:
  
  • Ubujamo lapho kunekhabhoni ephasi nomphakathi wetlayimethi esimemeko
  • Ukuthuselwa kwezinga eliphezulu lezebhoduluko nokuphungula ubungozi emaphilweni wabantu
  • Ukubambisana neentjhaba / izizwe neSewula Afrika nokusekelana kezebhoduluko/eentweni eziqakathekileko zokusimamisa ituthuko

Ihlelo lesi- 5: Ukuhlukahlukana Nokutlhogonyelwa 

• Umnqopho: Ukuqinisekisa imithetjhwana yokuphathwa kweendaba zokwahlukahlukana, amagugu nokutlhogonyelwa ngendlela yokulawula ukusimama kwetuthuko nokukhula komnotho
• Imiphumela ehlelekileko:
  
  • Ukutlhogonyelwa kobudlelwano bokuphilako nokungaphiliko,ukuphathwa nokusetjenziswa ngokusimamisa
  • Ukuphungulwa kokuthuselwa kokuhlukahlukana
  • Ukufikelela okuthuthukisiweko, okungathathi ihlangothi nokwabiwa kweenzuzo ngokulinganako

 Ihlelo lesi- 6: Amahlelo Wezebhoduluko

• Umnqopho: Ukusebenzisa ihlelo lomphakathi elinatjisiweko namaphrojekthi womnotho ophilisako emkhakheni wezebhoduluko
• Imiphumela ehlelekileko:
  
  • Kwakhiwe imisebenzi eminengi emihle beyasimamiswa, ngelutjha, abafazi nabantu abaphila nokukhubazeka
  • Ukuvuselelwa nokuphathwa kobudlelwano bokuphilako nokungaphiliko
  • Ukuphathwa okuhlangene nemililo
  • Imakhiwo nokuphungula ubungozi
  • Umthamo othuthukisiweko wabasebenzi emsebenzini nofana emkhakheni

Ihlelo le-7: Amakhemikhali Nokuphathwa Kweenzibi

• Umnqopho: Ukuphatha nokuqinisekisa kobana imithethomgomo yokuphathwa kweenzibi begodu kuqalelelwe ukusetjenziswa nokukatelela ukusebenza ngokomthetho nakusetjenzwa ngegunya, umlayelo neemvumelano zokuphathwa kweenzibi namakhemikhali
• Imiphumela ehlelekileko:
  
  • Ukuthuselwa kwezinga eliphezulu kezebhoduluko nokuphungula ubungozi kezamaphilo wabantu
  • Ukunikela nokukhulisa indawo zaborhulumende bemakhaya ukwenzelela ukuphathwa kuhle kwemisebenzi yezebhoduluko

Ihlelo lobu-8: Ukuphathwa Kwezamahlathi

• Umnqopho: Ukuthuthukisa nokulawula ukusebenza kwemithethomgomo namahlelo ekuqaliswe kiwo kobana kuphathwe kuhle zamahlathi, ukuwasebenzisa ngokusimemeko nokuvikela inarha namanzi begodu nobungozi kezelimo nehlekelele
• Imiphumela ehlelekileko:
  
  • Ukukhiqizwa okusimemeko kwamahlathi wombuso
  • Ukutjhugulula umkhakha wezamahlathi ngokukhambisana nehlelo elikhulu
  • Ukuphatha nokulawula ukusimama kwamahlathi wendabuko
  • Ukuthuselwa kwezinga eliphezulu kezebhoduluko nokuphungula ubungozi kezamaphilo wabantu

Ihlelo le-9: Ukuphathwa Kweenhlambi

• Umnqopho: Ukuqinisekisa ukusimama, ukusetjenziswa kweenlwana zemanzini ngemithetho nangokuphathwa okuthuthukisiweko
• Imiphumela ehlelekileko: 
  
  • Itlhatlha lomtlamo olawula ukukghonakalisa ukuphathwa nokuthuthukiswa kweendawo zemanzini kanye namanzi ahlwengileko (amalwandle, amagu, imilambo neziziba)
  • Ukuphathwa kuhle kweenhlambi nemiye imikhakha yezangemanzini esimamisa ukukhula nokuthuthuka komnotho
  • Ukuthuthukisa ubujamo bomnotho wezehlalakuhle yabathiyi beenhlambi emiphakathini