Ponelopele, maikaelelo, mekgwa

Ponelopele

Setšhaba se se gatelang pele se lekalekana le go tshela  sentle le metswedi ya tlholego.

Maikaelelo

Go tlamela ka boeteledipele mo tsamaisong ya tikologo, tshomarelo le tshireletso, go ya ka tswelelolopele go tlisa dipoelo go Ma Aforika Borwa le baagi ba mo lefatsheng.

Mekgwa

Re tsamaisiwa ke Go rata ga rona jaaka beng le boambasatara ba tikologo, re tshwanetse Go gata re gatoga le go tsenyeletsa moakanyo wa boitlhamedi le ditharabololo mo tsamaisong ya tikologo go ikaegilwe ka molebo o o ikaegileng ka batho o o elelwang Batho Pele jaaka pinagare, ka gore fa re baya batho sa ntlha re ya go dira ka Seriti, e le karolwana e e botlhokwa mo setheong sa rona sa Tiragatso e e manontlhotlho.

Se re se ratang

• Re rata mekgwa ya rona ebile re a e tshela mo ditirong tsa rona tsa letsatsi le letsatsi
• Re na le boineelo mo tirong ya rona ebile re dira go tlala seatla
• Re ipela ka taolelo, maikaelelo le ponelopele ya rona
• Jaaka beng le bombasatara ba tikologo, re neelana ka tirelo e e nang le boleng go baagi ba Aforika Borwa
• Re aga le go tsweletsa lefelo la tiro le le nang le maikatlapelo
• Re bua re sa kgale ganong ka  melaetsa le serorumo sa rona

Re ikaegile ka batho

• Re bontsha kanamo le go dumela go ithuta mo go tswa mo go rona le go tshegetsana mo maitlhomong a go ithuta le go atolosa dithata tsa rona.
• Re tlotla le go tlotlomatsa bokgoni jwa mongwe le mongwe
• Re tsena mo ditlhakong tsa batho fa re amana le bone
• Re bontsha boporofešenale le go itshepa, le fa e le mo maemong a a masisi
• Re diragatsa tharabololo ya bothati sentle
• Re a tshegetsana le go thusana
• Re rotloetsa tekano ya tiro le botshelo

Seriti

• Re tsaya ditshweetso ka tshedifalo go oketsa dipoelo le go laola masula
• Re itshotse sentle le go gwetlha maitsholo a a sa nnang sentle
• Re letla le go rotloetsa mmuisano o o ikanyegang – Re reetsa pele gore re tlhaloganye
• Re tlotla batho botlhe, ka fa gare le kwa ntle ga setheo tebang le lemorago la bone le le farologaneng, maatla, ditaele le dikakanyo go sa kgathalesege gore o wa kemo efe
• Re a tshepega mme re tshola maitlamo le ditshepiso tse re di direlang ba bangwe
• Re tsweletsa lenaneo la DFFE e seng la motho ka nosi
• Re tshegetsa tshweetso fa e tshotswe nne ebile re tshegetsa le go tshegetsa ba bangwe fa re kgaogana

Tiragatso

• Re nitametse mo dipoelong kgolo tsa ona le go laola ditiro tseo di diegisang kgotsa di sena mosola
• Re tsaya maikarabelo a ditshweesto tsa rona, dikgato le dipoelo
• Re dira jaaka setlhopa, re sola mosola bokgoni jwa mongwe le mongwe go fitlhelela dipoelo
• Re diragatsa mokgwa wa ‘nka-kgona’ le go kgaratlhela thebolo e e potlakileng ya dipoelo
• Re thus aba bangwe go diragatsa botoka ka go neelana ka pegelo e e utlwagalang le go tshegetsa mananeo a a bone a tlhabbololo
• Re akaretsa botlhe b aba amegileng mo mananeong, diphitlhelelo le ditshweetso tsa rona

Re gata re gatoga

• Re rotloetsa boikakanyetsi le ditharabolo tsa jone
• Re dirisa tiragatso ya mmakgonthe ya saense le kitso
• Re mogopolo o o bulegileng, re rata go reetsa le go ithuta mo go ba bangwe
• Re kgaratlhela go tokafala le go dira le go tshegetsa phetogo
• Re dirisana re le setheo sotlhe mme re tila go dira ka nosi
• Re dirisana ka thusano le semphato le beng, re tlhola le go tswweletsa maikaelelo a a abelanwang

Tshobokanyo ya taolelo le ditiragatso tsa Lefapha la Dikgwa, Ditlhapi le Tikologo

Taolelo ya semolao le tirokgolo ya Lefapha la Dikgwa, Ditlhapi le Tikologo (DFFE) ke go laola, go sireletsa le go somarela metswedi ya tikologo le ya tlholego ya Aforika Borwa. Taolelo e e sedifatswa ke karolo ya bo 24 ya Molaotheo wa Repaboleki ya Aforika Borwa, wa 1996 (Molao wa bo 108 of 1996), o o neelang mongwe le mongwe tshwanelo ya (a) tikologo e e sa gobatseng boitekanelo kgotsa itekano ya bone; le (b) go sireletsa tikologo gore e tswele mosola tshika ya jaanong le ya isago, ka melao le melawana e e utlwagalang.

Go diragatsa tshwanelo ya semolaotheo le tlhokego ya tsamaiso e e utlwagalang ya tikologo le tlhabololo ya leruri, DFFE mo pakeng ya nako e tlhamile molao/letlhomeso la semolao leo le utlwagalang. Letlhomeso le la semolao le na le melao ya palamente (melao ya tikologo), melawana, dipholesi, metheo le dielo, le dithulusu tse dingwe tsa semolao tseo di ikaeletseng go tsweletsa tiragatso e e utlwagalang ya tsamaiso ya tikologo gore e sireletse le go somarela tikologo go tswela mosola tshika ya jaanong le ya isago.

Mo godimo ga tlhabololo, tsenyotirisong le tlhabololo e e tswelelang pele ya letlhomeso le le gatelang pele la semolao go tsamaiso e e utlwagalang ya tikologo,ditsereganyo tse dingwe tse di botlhokwa tsa tsamaiso ya tikologo di akaretsa go tsibosa ya merero e e kwa setlhoeng ya tikologo le go tsweletsa mokgwa wa bokgaratlhedi jwa tikologo mo baaging ba selegae, go tlhola katiso mo setheong, le go thankgolola le go tiisa bosemphato jwa bosetšhaba, kgaolo le boditšhabatšhaba go rarabolola dikgwetlhong tse di tlwaelegileng tsa tikologo.

Ponelopele ya paka-telele ya DFFE ke go nna le “setšhaba se se atlegileng se lekalekana le go dirisa metswedi ya tlholego sentle”, jaaka go tlhagisitswe mo togamaanong ya rona ya paka-magareng. Go tshegetsaphitlheleo ya ponelopele e, DFFE e tlhaotse dipoelo tse tlhano tsa togamaano, jaaka go latela:

• Seabe sa ikonomi ya tikologo se okeditswe;
• Seriti sa Tikologo/Ekholoji se somaretswe le go kgontshwa;
• Kagosešwa ya setšhaba mo baaging ba rona;
• Lenaneotema la bboditšhabatšhaba le maitlamo a fitlheletswe; le
• Lefapha le le nang le bokgoni ebile le nonofile.
  
  

DFFE e rulagantswe ka mananeo a le robongwe a tekanyetsokabo. Lenaneo lengwe le lengwe le dira sete ya dipoelo tsa togamaano tse di tlhaotsweng, tseo diikaeletseng go fitlhelela maitlamo a DFFE go ditogamaano tsa dingwaga tse tlhano le go tswelelapele kwa bokhutlhong mo go itemogeleng ponelopele yap aka-telele ya DFFE.

Mananeo, maikaelelo le dipoelo tsa ditogamaano

Lenaneo la 1: Tsamaiso 

• Maikaelelo: Go neelana ka ketapele ya togamaano, tsamaiso le ditirelo tsa tshegetso mo lefapheng
• Dipoelo tsa Ditogamaano:
  
  • Bobusi jo bo siameng le kobamelo ya ditlhokego tsa semolao le tsamaiso e e nonofileng ya matlole
  • Seabe se se tokafetseng sa kagosešwa ya loago le ikonomi le matlafatso ya baagi bao mo malobeng a neng ba kgapetswe thoko
  • Badiri ba bokgoni jo bo lekaneng bao ba agilweng sešwa le go emela lotso, bong le boagi jwa Aforika Borwa
  • Bokgoni jwa badiri jo bo tokafaditsweng jwa setheo

Lenaneo la 2: Kobamelo ya Semolao le Tekolo ya Setheo

• Maikaelelo: Go tsweletsa tlhabololo ya mokgwa o o kgontshang wa semolao le thulaganyo ya bothati jwa dilaesense  eo e tla tsweletsang pateletso le kobamelo, le go netefatsa kgokagano ya tiragatso ys setheo

• Dipoelo tsa Togamaano:
  
  • Kobamelo e e tokafetseng ya molao wa tikologo le phokotsego ya matshosetsi a tikologo
  • Matlhomeso a a nyalelanang a tsamaiso semolao ya tikologo, dithulaganyo, dithulusu le didiriswa
  • Bokgoni jo bo tokafetseng jwa badiri

Lenaneo la 3: Mawatle le Mabopo

• Maikaelelo: Go tsweletsa, go tsamaisa le go tlamela ka boeteledipele jwa ditogamaano mo tshomarelong ya mawatle le mabopo
• Dipoelo tsa Togamaano:
  
  • Matshosetsi a seriti sa tikologo a laolwa mme tikologo e somarelwa
  • Kitso e e tiisitsweng, kamano ya saense le pholesi

Lenaneo la 4: Phetogo ya Loapi, Boleng jwa Mowa le Tlhabololo ya Leruri

• Maikaelelo: Go etelela pele, go tsweletsa, go bebofatsa, go itsise, go lekola le go sekaseka sešwa go tsenyeletswa ga tsweletsopele ya tikologo, go tswa ga khabone e nnye, le itharabologelo ya loapi le boleng jwa mowa  mo kgabaganyong ya Aforika Borwa go ya kwa tlhabololong ya leruri
• Dipoelo tsa Togamaano:
  
  • Kgabaganyetso e e siameng go ya go ikonomi ya khabone e nnye le setšhaba se se itharabologelelwang go loapi
  • Matshosetsi mo boleng jwa tikologo le boitekanelo jwa batho a fokoditswe
  • Tirisanommogo ya boditšhatšhaba e tshegetsa dintlha tse di kwa setlhoeng tsa Aforika Borwa mo tlhabololong ya tikologo/tsweletsopele

Lenaneo la 5: Ditshedi tse di farologaneng le Tshomarelo 

• Maikaelelo: Go netefatsa taolo le tsamaiso merero  ya ditshedi tse di farologaneng, ngwao le tshomarelo ka tsela eo e bebofatsang kgolo ya ikonomi e e tswelelang pele le tlhabololo
• Dipoelo tsa Ditogamaano:
  
  • Thulaganyo ya tikologo e somarelwa, e tsamaisiwa le go dirisetswa leruri
  • Matshosetsi a ditshedi tse di farologaneng a thibelwa
  • Phitlhelelo e e tokafaditsweng, e e siameng le go abelanwa ka tekatekano mo kabelanong ya mesola

 Lenaneo la 6: Mananeo a Tikologo

• Maikaelelo: Go tsenya tirisong lenaneo la katoloso yaditiro tsa setšhaba le diporojeke tsa ikonomi e tala mo setheong sa tikologo
• Dipoelo tsa Ditogamaano:
  
  • Ditiro tse dintsi tsa seriti tse di tswelelang pele di tlhodilwe, go ikaeletswe thata bašwa, basadi, le batho ba nang le bogole
  • Thulaganyo ya tikologo e a tsosilositswe le go laolwa
  • Taolo ya molelo e e golaganeng
  • Mafaratlhatlha, go inaakanya le phokotso ya masula a matlhotlhapelo
  • Bokgoni jo bo tokagfetseng jwa badiri

Lenaneo la 7: Taolo ya Dikhemikhale le Leswe

• Maikaelelo: Go tsamaisa le go netefatsa gore dipholesi le molao wa  dikhemikhale le taolo ya leswe o tsenngwa tirisong le go pateletswa go obamela bothati taolo ya dikhemikhale le leswe, ditaelo le ditumelelano
• Dipoelo tsa ditogamaano:
  
  • Matshosetsi mo boleng jwa boitekanelo jwa batho a a thibelwa
  • Setheo sa puso selegae se se nonofileng seo se kgonang go diragatsa tiro ya sone ya tsamaiso ya tikologo ka matsetseleko

Lenaneo la 8: Tsamaiso ya Dikgwa

• Maikaelelo: Go tlhola le go bebofatsa tsenyo tirisong ya dipholesi le mananeo a a ikaeletseng go netefatsa tsamaiso ya dikgwa, tiriso ya leruri le tshireletso ya lefatshe le metsi, le taolo ya masula a temothuo le matlhotlhapelo
• Dipoelo tsa Ditogamaano:
  
  • Ntshodikuno e e tswelelang pele ya dikgwa tsa puso
  • Lephata le le agilweng sešwa le dikgwa le le tsamaisanang le leano la konokono
  • Dikgwa tsa tlholego tse di tsamaisiwang ka leruri le go laolwa
  • Matshosetsi mo boleng le boitekanelo jwa batho a tikologong a thibelwa

Lenaneo la 9: Tsamaiso ya Ditlhapi

• Maikaelelo: Go netefatsa tsweleletsopele, tiriso le phitlhelelo e e siameng ya ditshedi tsa ka fa metsing ka tsamaiso le molao o o tokafaditsweng
• Dipoelo tsa Ditogamaano: 
  
  • Letlhomeso le le nonofileng le le kgontshang tsamaiso le tlhabololo ya ditshedi tsa ka fa mawatleng le tsa ka fa metsing a a phepa (mawatle,mabopo, dinoka le matamo)
  • Lephata le le tsamaisiwang la ditlhapi le ditshedi tsa ka fa metsing leo le tsweleletsangpele le go tokafatsa kgolo le tlhabololo
  • Maemo a Loago le ikonomi ya baagi ba ba theyang ditlhapi a tokafaditswe